ہماری مسلح افواج کا جذبہ نا قابل تسخیر ’آرمڈ فورسز فلیگ ڈے‘ کے موقعہ پرلیفٹنٹ گورنرمنوج سنہاکاپیغام

 

جموں و کشمیر کے لیفٹیننٹ گورنر منوج سنہا نے یوم پرچم (آرمڈ فورسزفلیگ ڈے) کے موقع پر منگل کے روز مسلح افواج کو شاندار خراج پیش کرتے ہوئے ان کیلئے اظہار ممونیت کیا ہے۔انہوں نے کہا کہ ہماری مسلح افواج کا نا قابل تسخیر جذبہ پوری قوم کو عظمت کے حصول کی طرف ثابت قدمی سے آگے بڑھنے کی تحریک دیتا ہے۔انہوں نے جموں وکشمیر کے لوگوں سے آرمڈ فورسز فلگ ڈے فنڈ کیلئے دل کھول کر مدد کرنے کی اپیل کی۔ لیفٹیننٹ گورنر منوج سنہا نے نے باتوں کا اظہار اپنے ایک ٹویٹر ہینڈل پر پوسٹ ایک پیغام میں کیا۔انہوں نے کہاکہ آرمڈ فورسز فلیگ ڈے کے موقع پر میں ممونیت کا اظہار کرتے ہوئے مسلح افواج کی بہادری اور ملک کے لئے ان کی بے لوث خدمات کو سلام پیش کرتا ہوں‘۔لیفٹیننٹ گورنر منوج سنہا کا کہنا تھاکہ ہماری مسلح افواج تواتر کے ساتھ بہادری کے اعلیٰ معیارات قائم کر رہے ہیں،اور ان کے ناقابل تسخیر جذبہ قوم ہر روز عظمت کے حصول کی طرف ثابت قدمی سے آگے بڑھنے کی تحریک دیتا ہے‘۔منوج سنہا نے جموں وکشمیر کے لوگوں سے اپیل کی کہ وہ قوم کے دفاع کے لئے اپنی جانیں نچھاور کرنے والے سابق فوجی جوانوں اور ان کے اہلخانہ کی بہبودی کے لئے آرمڈ فورسز فلگ ڈے فنڈ کے لئے دل کھول کر مدد کریں۔انہوں نے کہا کہ یہی ان جانبازوں کے لئے بہترین خراج عقیدت ہوگا۔دریں اثنا فلیگ ڈے کے موقع پر راج بھون جموں میں محکمہ سینک ویلفیئر کے ڈائریکٹر بریگیڈئیر (ر) گرمیت سنگھ شان نے لیفٹیننٹ گورنر کی جیکٹ پر مسلح افواج کا جھنڈا لگایا۔بعد ازاں انہوں نے موصوف لیفٹیننٹ گورنر کو محکمے کی طرف سے سابق فوجی جوانوں، ویر ناریوں، ان کے زیر کفالت افراد اور سروس کر رہے فوجی جوانوں کی بہبودی کے لئے کئے جانے والے اقدامات کے بارے میں جانکاری فراہم کی۔قابل ذکر ہے کہ ملک میں سال 7دسمبر 1949 سے ہر سال ’آرمڈ فورسز فلیگ ڈے‘ یا ’فلیگ ڈے آف انڈیا‘ منایا جا تا ہے۔

Post a Comment

Previous Post Next Post